Statens Kunstutstilling – Høstutstillingen er den største scena for samtidskunst i Noreg. Utstillinga er omdiskutert og ein magnet for kunstnarar, kritikarar og publikum. I 2013 var det 2300 søkjarar, og totalt vart 95 kunstnarar/kunstnargrupper valde ut til å delta.

Dei siste åra har Høstutstillingen vist videoprogrammet på utvalde stader i Noreg, parallelt med utstillinga i Oslo. I år ynskte dei at endå fleire skulle få moglegheit til å vise programmet, og i samarbeid med Norske Kunstforeninger vart difor programmet tilbydd kunstforeiningar og kunstlag.

Eit eige hefte med informasjon om kunstnarane og verka vil følgje videoprogrammet. Sju videoar er med i programmet, som har ei samla lengde på ca. 50 min.

Følgjande verk er med i videoprogrammet:

• White Distance, Iselin Linstad Hauge
• Skyvelære (while attempting to balance), Ellen Johanne Røed
• Vampire Yeah, Anders Brenno
• Förortskillen, Frode & Marcus
• Ealli guođđá joavkkus – Et dyr forlater sin flokk, Egil Pedersen
• Wasteland, Kaja Leijon
• Magic Blood Machine, Ingrid Torvund